თეიმურაზ გორგოძე

ექიმი თეიმურაზ გორგოძე  ზოგადი ქირურგის სპეციალობით ახორციელებს როგორც ამბულატორიულ ასევე სტაციონალურ სერვისებს:

• პაციენტების წინასაოპერაციო მომზადება, მათ შორის სამედიცინო ისტორიის შესწავლა, გამოკვლევა, პროცედურების შესაძლო რისკებისა და გვერდითი ეფექტების განხილვა;
• პოსტოპერაციული სერომების პუნქცია და წარმონაქმნების ჰისტოლოგიური და ციტოლოგიური   გამოკვლევა,;
• ჩირქოვან-ანთებითი პროცესების მკურნალობა, გახსნა და დრენირება, როგორიცაა: აბსცესები, ფლეგმონები,  კარბუნკულები, ჩირქოვანი ჭრილობები, ჩირქოვანი მასტიტი, ჩირქოვანი ლიმფადენიტი, ლიმფანგიტი, ჰიდრადენიტი, პანარიციუმი, პარონიქია და ა.შ.;
• რბილი ქსოვილების უცხო სხეულების ამოღება;
• დეფექტების (რთული ნაწიბურების) კორექცია ქირურგიული ჩარევებისა და დაზიანებების შემდეგ;
• შეხვევები და  დეზინფექცია ნებისმიერი ადგილმდებარეობისა და სირთულის კატეგორიის ჭრილობებისთვის (გარდა ყბა-სახის ქირურგიისა);
• პოსტოპერაციული მონიტორინგი და მოვლა, მათ შორის ჭრილობების მდგომარეობის მონიტორინგი, შესაძლო გართულებების მონიტორინგი და საჭირო მედიკამენტების დანიშვნა;

ამბულატორიული ოპერაციები:

• ქირურგიული ჩარევები ამბულატორიულ გარემოში, როგორიცაა: კანისა და კანქვეშა ცხიმოვანი წარმონაქმნების მოცილება (ლიპომა (ცხიმოვანი სიმსივნეები), ათერომები, ჰემანგიომები, პაპილომები, კისტები,  და ა.შ.);
• ჩაზრდილი ფრჩხილების ქირურგიული მკურნალობა, ფრჩხილის ფირფიტების ნაწილობრივი და სრული მოცილების ჩათვლით;
• ჭრილობების პირველადი ქირურგიული მკურნალობა;

სტაციონარული ლაპაროსკოპიული /ლაპარატომიული ქირურგია:

• საზარდულის, ბარძაყის, პოსტოპერაციული,საყლაპავის, ვენტრალური თიაქრების, ქირურგიული მკურნალობა   ლაპაროსკოპიულად  და ლაპარატომიურად;

ლაპარასკოპიულად:

• ლაპაროსკოპიული თიაქარი საზარდულის თიაქრისთვის პლასტიკური პოლიპროპილენის იმპლანტით;
• ლაპაროსკოპიული თიაქარი ჭიპის თიაქრისთვის, პლასტიკური პოლიპროპილენის იმპლანტით;
• მუცლის თეთრი ხაზის თიაქრი, მათ შორის პლასტიკური ქირურგია პოლიპროპილენის იმპლანტით;
• სხვადასხვა სირთულის პოსტოპერაციული თიაქრი, მათ შორის პლასტიკური პოლიპროპილენის იმპლანტით;
• ლაპაროსკოპიული ქოლეცისექტომია ნაღვლის ბუშტის დაავადების, ნაღვლის ბუშტის პოლიპოზისა და მწვავე ქოლეცისტიტის დროს.

საექიმო საქმიანობის ხანგრძლივობა 13 წელი

2014-2016 წწ. რუსეთის ფედერაცია, სანქტ პეტერბურგის სხვადასხვა კლინიკებში აბდომინალური , კოლოპროქტოლოგიური  და ლაპარასკოპიული განყოფილებები   -ზოგადი ქირურგი

2017-2018 წწ. „ჰელიოსის კლინიკა“ ქ. როტვაილი, გერმანია, და „კლინიკა მითელბადენი „ ქ ბადენ-ბადენი, გერმანია,-  სტუმარი ექიმი

2018 წლიდან დღემდე საქართველოს სხვადასხვა წამყვანი კლინიკების პასუხისმგებელი ქირურგი

2024 წლიდან პაციენტებს იღებს და ქირურგიულ საქმიანობას ახორციელებს კლინიკა  ინიციოში პასუხისმგებელი ქირურგის პოზიციაზე,

2018 წ. სპეციალობა - ზოგადი ქირურგია 

2020 წ. სუბსპეციალობა - ენდოსკოპიური ეზოფაგოგასტროდუოდენოსკოპია 

2022 წ.  სუბსპეციალობა - ქირურგიული ონკოლოგია

2012 წ. დაამთავრა საქართველოს დავით აღმაშენებლის სახელობის უნივერსიტეტის  მედიცინის ფაკულტეტი

2012-2014 წწ. კლინიკური ორდინატურა სპეციალობით - ზოგადი ქირურგი. 
სანქტ პეტერბურგის „ი.ი. მეჩნიკოვის სახელობის  ჩრდილო დასავლეთ სახელმწიფოს სამედიცინო უნივერსიტეტი“.

2016-2019 წწ. საქართველოს დავით აღმაშენებლის სახელობის უნივერსიტეტი  - დოქტორანტი  

2019 წელს მიენიჭა მედიცინის მეცნიერებათა  დოქტორის წოდება. 
სადოქტორო ნაშრომი  თემაზე-  „საზარდულის თიაქრის ოპერაციული მკურნალობა მამაკაცებში,  დიფერენციული მიდგომა და პროგნოზირება „

2020 წლიდან დღემდე  თბილისის ჰუმანიტარული სასწავლო უნივერსიტეტი - ასოცირებული პროფესორი.

2024 წლიდან დღემდე   ივანე ჯავახიშვილის სახელობის თბილისის სახელმწიფო უნივერსიტეტი კლინიკური ქირურგიის კათედრა I ფაკულტეტის - ასისტენტ პროფესორი

2024წ. საქართველოს დავით აღმაშენებლის სახელობის უნივერსიტეტის სადისერტაციო საბჭოს წევრი

ექიმი თეიმურაზ გორგოძე არის მრავალი  სამეცნიერო ნაშრომის  ავტორი და   თანაავტორი. ასევე ის  მუდმივად მონაწილეობს დიპლომის შემდგომი უწყვეტი სამედიცინო განათლების ადგილობრივ და საერთაშორისო  კლინიკურ ტრინიგებში, კონფერეციებსა და კონგრესებში

საავტორო სამეცნიერო ნაშრომები:
•    კორელაციური კავშირი საზარდულის თიაქარის ოპერაციის გართულებასა და პაციენტის ინიციალურ მახასიათებლებს შორის ავტორი თ. გორგოძე თანაავტორები: თ.გვენეტაძე, ლ.ალადაშვილი, ა.უგრეხელიძე, ი.თაბორიძე, თ.გვაზავა. (ექსპერიმენტული და კლინიკური მედიცინა, №3, 2018)
•    EVALUATION OF QUALITY OF LIFE AFTER INGUINAL HERNIA REPAIR ავტორი თ. გორგოძე, თანაავტორები: Tamaz Gvenetadze,Amiran Ugrehelidze, IamzeTaboridze (January-February 2019)
•    საზარდულის თიაქარის რეციდივის რისკის შეფასება ავტორი თ. გორგოძე თანაავტორები: თ.გვენეტაძე,  ა.უგრეხელიძე, ი.თაბორიძე. (სამეცნიერო ჟურნალი "სპექტრი", №2, 2019)
•    სიცოცხლის ხარისხის ფიზიკური კომპონენტის შეფასება საზარდულის თიაქრის ოპერაციისშემდგომ პერიოდში. ავტორი თ. გორგოძე  თანაავტორები: თ.გვენეტაძე, ლ.ალადაშვილი, ა.უგრეხელიძე, ი.თაბორიძე. (საქართველოს მეცნიერებათა აკადემიის მაცნე ბიომედიცინის სერია 0321-1665 N3-4; 44; 93-103 გვ. 2018წ)

2009 First international conference devoted to the female health problems ‘” Healthy
women” - Tbilisi, Georgia.
2009 Hospital Clinic de Barcelona - Practice in surgery department – Spain, Barcelona
2009 Seminar of the International society of hand and composite tissue Allotransplantation - Valencia
2022 წ. EXCEPTION AND RARE CASES IN SURGERY – TBILISI , GEORGIA
2024 წ. საქართველოს კლინიკური ონკოლოგიის ასოციაციის გასტროინტესტინული სიმსივნეების სიმპოზიუმი. თბილისი, საქართველო.
2025 წ. კრიტიკული ანემიით გამოწვეული გადაუდებელი მდგომარეობის მართვა. თბილისი.